MSJ - Model Of Syndicate Of Journalists, Giza, Egypt

نموذج محاكاة نقابة الصحفيين، أول نموذج يحاكي النقابة علی مستوى جامعات مصر. نموذج محاكاة نقابة الصحفيين بنحاكي إيه ؟! بنحاكي نقابة الصحفيين المصرية. يعني إيه محاكاة أصلًا ؟! يعني بالبلدي كدة "تقليد". هدفكوا إيه من وجع الدماغ ده ؟! هدفنا إننا نقلد النقابة في كل حاجة، بهدف إننا نعرف كل اللي مقدمين معانا إيه الواجبات اللي عليهم، وإيه الحقوق اللي المفروض يطالبوا بيها كصحفيين، وإزاي يقدروا يشربوا المهنة صح، وعلى إيد ناس ليها خبرة عالية في المجال، وكل ده بدون مقابل عشان نقضي على أمور النصب والغش اللي بيعملها بعض الناس عشان يضحكوا على الطلبة وياخدوا منهم فلوس مقابل شوية معلومات هما قاريينهم في كتاب ولا حاجة. مين هي الناس اللي بتستهدفوها في النموذج بتاعكم ؟! بنستهدف الطلبة اللي حابة مجال الصحافة، ونفسهم يبقوا صحفيين، بس مفيش فرصة حقيقية قدامهم، احنا بقى وفرنالهم الفرصة دي "مجانًا" وهدفنا الأول والأخير إننا نطلع جيل من الصحفيين الشبان اللي يقدر يدافع عن بلده بقلمه، عن حقه بكتاباته، وعشان كدة شعارنا في الموسم الأول كان #قوتك_في_قلمك. اشمعنى اختارتوا كلية آداب ؟! لأن الفكرة نابعة من شباب كلية آداب جامعة القاهرة، ده أولًا، ثانيًا إن كلية آداب مفيهاش أي نموذج محاكاة، وكان لينا السبق ده إننا نكون أول نموذج محاكاة في كلية آداب جامعة القاهرة، ثالثًا وده الأهم، طلبة كلية آداب جامعة القاهرة معظمهم بيبقى نفسهم يشتغلوا في الصحافة ويبقوا صحفيين، بس مفيش قدامهم فرصة حقيقية، على عكس كلية إعلام، وكليات آداب في الجامعات التانية اللي متوفر لديهم قسم "إعلام"، ف إحنا من مكانا ده بنوفر للناس الفرصة دي عشان يقدروا يحققوا حلمهم، طبعًا في فرق بين الصحافة والإعلام، بس في الأول وف الآخر الإتنين مكملين لبعض وهدفهم واحد، وطلبة إعلام يا بيطلعوا مذيعين، يا بيطلعوا صحفيين. Call: 01124339753
read more..